اللّـــه أكـبـر يـا نــــاس كـطـعـوا يمين العبـــاس
* * *
زينب تنـــادي يحسيـن بـو الفـضـل خلّيتـه وين
جاوبــها ويهــلّ العيـن ابعامـود مفضـوخ الراس
* * *
غدرونه أهـــل الكـوفــه العبـاس كطعـوا اجفوفـه
جيبـه للخيـمه انشوفــه كـال الها بالخيل انداس
* * *
بالعلكـمـي ظـل مطــروح ظـامـي و يعالـج بالــروح
جسـمه امـخـذّم بجـروح خـذّمـوا جسمه الأرجاس
* * *
يحـسـيـن ويـن الـــروّاي رايـح يجيـب النـه المـاي
ما حسّبت خـويـه ابهاي ميـرد بعـد راعـي الباس
* * *
ودّعني اوشـال الجـــود ظنّيتـه للخيمه ايعـــود
قلها انضرب بالعامــود خمّـدوا منّه الانفــــاس
* * *
عباس طـاح اعلى النّهـر عسكرنه من بعده انكسر
والعلم من ايده انشـمـــر وانهدم بيتي امن الساس
* * *
طب للنهر ظامي وطـلـع عـطـشـان وافاده انقـطـع
و العلم من ايــده وقـــع و اتوالتـه كوم ارجـــاس
* * *
اسمعته يون راعي العـلم شلتـه ارد اجيبه للخيـم
كـال استحي مـن الحـرم خلنـي ابمكانـي لا باس
* * *
لطمية فزّاعيه للعباس
راعـي العـلــم مـن وكّـعــه
آ يــا شـهيــد الـمـشـرعـه
* * *
احسيـن اعـتـنـه لعضيـده
شـافـه ابحـالـه امجيـــده
طــــاح العـلـم مـن ايـــده
من طاح ابو فاضل اجفوفه امكـطـعـه
* * *
مـن راح ظـنّـيـتــه يـــرد
الاطفــال منطـيـهـم وعــد
كــــالوا وكع بالـمـنطــرد
سلّــم وابو السجــــاد راح ايـودّعـه
* * *
من وكّـعـه امـن احصـانـه
و اتكـطـعــت ذرعـانــــه
الجود انحـمـل باسنـانــه
من ضربة العامود طــاح ابمصـرعـه
* * *
حسين اعـتنـاله بالعـجـل
شاف الأخو مـا بيه أمــل
مطروح عالشـاطـي البـطـل
عطشان يم الـمـاي روحـه امـلـوّعـه
* * *
من شوفتك ظهري انكسر
و اتشــمـتـت بيّ الكفــر
مالي على افـراكـك صـبـر
متعوّد ابكل حيــن صوتـك اسـمـعه
* * *
خويه ارد اشيـلك للخـيـم
يتنـونـك اهـنـاك الحــرم
نـــاداه مـاذيـنـي السهــم
لو تكدر ابإيديــك خويــــه تشلعـه
* * *
ايكلــه القـدر وافــــانـي
خـلنــي أظـل بمـجــانـي
امن اتكـطـعــت ذرعـانـي
ملّيت من دنيــاي روحي امصـدّعـه
* * *
شكراا