وصية فاطمة الزهراء عليها السلام
من ينتهي أمــــري إخفي أثر گبري
گوم اللی قهرونی مارید يـزوروني
إخفي أثر گبـــــري من ينتهي أمري
÷÷÷÷÷÷÷÷÷÷÷÷÷÷÷
اتنادي الوديعة ياعلي والدّمعه تجريها
هذا الوداع اوياك وروحي اترد لباريــها
عندي وصيّه بالعجل نفّذها واگضـــيها
منّك أريد اجنازتي بالليل تـــــــــواريها
أنت وحسن وحسين سلمان اوياه أثنين
خــــاص اللي آذوني ماريـــــــد يزورني
إخفي أثر گبـــــــــري مـــن ينتهي أمري
××××××××××××××
تدري العدو حين الهجم عالباب كسر ضــلعي
ويوم الخذوك الگوم وراك امشي وأهل دمعي
ردلي وجلد ظهري ابسـوط وگال إلي رجـــعي
حسبي عليه ابكل صلاة وكل فـــــــرض أدعي
وازدادت أحـــــزاني من سطرة الثـاني
طگني على عيوني مـاريــــد يزوروني
إخـفي أثر گـــــبري من ينـتهي أمــري
÷÷÷÷÷÷÷÷÷÷
من مات أبوي المصطفى من بيتي غاب النور
للبيعه جـونه صحبته والهادي مـو مقـبــــــــور
دخلوا غصب قلّوا الأدب بان الحقـــــد والجـور
نصبوا خليفتهم غدا ابمـوت النبي مســــــرور
من جاني يضربني حالا سگـط إبني
بالليل إدفـــــنوني ماريــد يـزوروني
إخفي أثرگبـــــری من ینتهی آمری
÷÷÷÷÷÷÷÷÷÷
گلبي انكسر دمعي انتثر يوم الجلد ظـهري
بيتي انحرگ إبني انسحگ بالعتبـه ماأدري
إرثي إنّهب حالي صعب والباب جرح صدري
جوني يريدون الرضا مني غصـب جـــــبري
من سطرة الطّاغوت ساعتها شفت الموت
إشذنبي ويضربوني ماريــــــــد يـزوروني
إخفي أثـر گـبـــــري من ينتهي أمــــــري
÷÷÷÷÷÷÷
آخر وصيّـه ياعـلي أطفـالي من بعـــــدي
نشّـف مدامعـهم وسلّيـهم على بُعــــدي
يصعب علي فرگاهم أولادي وثمر چـبدي
راح ابتعد عنهم وأسـكن باللحــــد وحـدي
ابگلبي محبّتـــــــهم توحشني شوفتـهم
امن أولادي حرموني ماريد يـــــــزوروني
إخـفي أثر گـبــــــري من ينتهي أمــــري
÷÷÷÷÷÷÷÷÷
التفـتت لعد زينب تگلها وبالگـــلب حسره
وكت اليجيچ حسين يودعــچ عيلـته وبزره
ضمّيه إلى صــــــدرچ نيـابه وقبّـلي نحـره
وگولي له هذي وديعـتك من أمـك الزهره
لابد تشــــــوفيـنه جسمه امگـطعينه
بأولادي فجـعوني مـــــاريد يزوروني
إخفي أثر گــــبري من ينتـهي أمــر
ضمها الوصي الصدره وعليها المدمع ايهـلّه
گال الها فرگـاچ ابدليلي نكـبه مو سهــــــله
إنتي شمس بيتي ونظر عيني وبـعــد أغـله
اتگـلّه يبن عـمّي علـيّه زادت العـلـّــــــــــــه
هالضيّعوا عمـــــري همّا سبـب ضُري
ناس اللي ظلموني مـاريـــد يزوروني
إخفي أثر گـــــــبري من ينتهي أمـري
÷÷÷÷÷÷÷÷ تـمّـت ÷÷÷÷÷÷÷