حسيــن للعبــــاس راح ايشوفــه
ولكط ابدربــه العضيـده اجفوفــه
* * *
وصل يمه وصاح يحـزام الظـهــر
وحّدتني وظهري يا خويه انكسر
يبن ابويــه ريت يفـداك العـمــر
لكّطــت جفـيـنـــك المحذوفــــه
* * *
هـوه اعليه ايقبله اودمعه انسجم
صـاح ابو فاضـل يبو اليـمه ابـألـم
جـان تكدر شيل من عيني السهم
ابنفسي الوجهك أريـد أشـوفــــه
* * *
راد ايشيله حسين ايودّيه الخـيـم
كلـه خـليّنـي ابمـكانـي يا شـهــم
اسـتـحـي بالمـاي واعـدت الحــرم
و عينـي خويه بالسهم مخطوفــه
* * *
خويه سلّم لي اعلى زينب والعيال
كلـهم الماي انـدفـك فـوق الرمــال
بيـن مـيحـاجيـه لـنّ الموت حــال
سـلّــم الـروح ابجبــد ملـهــوفــه
* * *
حسين ردّ إلى الخيم و اشـلـون رد
صرخن ابصوت الحرم وين الضمـد
كلهم ابعامــود مُخ راسه انـمــرد
وحّدتني اسيـوف أهـل الكــوفــه
* * *
زينب اتكـله البـطــل مـن وكّعـه
كلها ظـامــي طـاح يـم المشرعـــه
عينه مخطوفه و اجفوفه امكطّعه
راح ابو فـــاضـل بعـد مـنشـوفـه
* * *