أم البنين الأربعـه ايسمّــوني
وخامسهم المظلوم نور اعيوني
* * *
يــا جـــارتي أرجـــوج لا تسمّينـــي
بإســـم البنيــن الأربعــه اتفجعينــي
ربيتهــــم يا نـــاس بصبــي عينــي
لفراكهــــم مــن أبجـــي لتلومونــي
* * *
العــدها ولد تــدري ابفجعـــة حــالي
تدري الولـد عند امّــه اشكــد غـــالي
موحش البيت اخلافهـم ظــل خــالي
مـــن يــوم رحلتهم كطعــت اظنونــي
* * *
سوّيـت لاحباب الكلب خمس اكبــور
بلجــن أخمّــد نار كلبــي المجمـــور
امن ايلومني وآنا افكدت خمس ابدور
من يوم ما جاني الخبر كل ساعه أكعـد يم كبر
عباس طاح اعلـى النهر طاح العلم وانكطعت اجفوف الكمر
ومن كالوا حسين انذبح فجعوني
* * *
من سافـــروا عنــي لسبنـــي كلبـــي
اعيــوني الدربهـــم دوم ظلت تربـــي
لكــن افــراك حسيــن زيّـــد كربــي
اتمنيــت ابنــي ابجيّتـــه ايبشرونــي
* * *
راحــوا وراحــت روحــي ابمسراهــم
وامدوهنـــــه ليـــل ونهـــار أتناهــم
نيران تلهــب كلبــي مــن فركاهـــم
وعيــــوني تربي للدرب الأولاد فركــــاهم صعب
أنذر نذر لو عـــادوا احباب الكلب
أزرع ورد واسكيـــه مــــاي اعيوني
* * *
ردّ الظعـن خــالي مـن كـل ارجالـــه
وحسيــن صـــدره داستـــه الخيّالـــه
مرمـــي ثلــث تيـــام محّـــد شالـــه
اتنادي العقيله كــل هلـي عافــونــي
* * *
أربـــع بنين الراحــــوا ابهـالسفـــره
فدوه لبـو السجــاد الحـــزّوا نحـــره
ومنـــي هديـــه اتقدّمــوا للزهــــــره
بيّضـــوا وجهـي اولادي او ســرّونــي
* * *