الراهب
يراهب هاك إخذ إسمي يراهب أنا جدي النبي عالي المراتب
وابوي المرتضى يحمي التعنّاله
****************************
على الراهب سبي مروا نسه ابيا حال
يتاماهم إيديها امشبكــــــه بحبال
وجدام الظعن راس ابرمح ميــــــــــــال
يكَلهم إلمن الراس اللي جِنه اهلال
أريده بس سواد الليل اوأدفــــــع مال
أخذ منهم الراس وظل ينشده وكَال
منو انته لعد كَلبي ســـــــلبته ولن الراس يرد اعليه نشدته
أنا المظلوم أنا اللي الشمر جتاله
*****************************
أنا العطشــــــان ذبيح الغاضريه
أنا جدي النبي سيـــــد البريه
وأمي فاطمه الزهـــــره الزجيه
إنحرمت الماي ابنزعات المنيه
أنا اللي وذرتني اسيوف اميه
وعلى صدري اتجول الأعوجيه
أنا اخيامي بني اميه احركَوها وانا اعيالي لعند الشام سبوها
أنا اللي ضحه ابروحه وسبي اعياله
****************************
أنا اللي ذبحوا أولادي وعضيدي
أنا ابني انذبح ظامي اعلى إيدي
حمس كَلبي ابصرخاته اوليدي
العده سبعين ألف وآنا أوحيـــــدي
صحت يسيوف إخذيني هذا عيدي
ركب صدري الشمر من حز وريدي
أنا المظلوم أنا المكَطوع نحري أنا اللي تركض الخيل اعلى صدري
اشحاله اللي كَطع جفينه جمّاله
**************************
الراهب من سمع كل هالنوايب
انحنه اعلى الراس ايقبله ودمعه ساجب
يكَله أسلمت يبــــــن الأطايب
وأريد انهض إلى ثارك واطــــــــــــــــــالب
يكَله الثار إله غيرك يراهـــــب
يثور وينتقم من هالنواصـــــــــــــــــــب
على ادخول البلد فرحانه الحرّاس يعين الله العقيله امخدرة عباس
باجر من تطب للشام واهواله
****************************
بنات المصطفى هالليله موقوفه
اعلى سور الشام ابجيّتها امن الكوفه
العقيله ام الحزن هالليله مكلوفه
اتلملم باليتامه ابروح ملهوفـــــــــــــه
ابصبح باجر متدري ابظيم لتشوفه
يزيد اشراح ايسوي ابجيّة اضيــــــوفه
أمر للشام ابكل مرآة ايزينوها ابطبل وادفوف العيله ايتلكَوها
إبأقواس النصر حقق كل آماله
**********************
عفه زينب كَلبها اشلون هالليله
حزنها اتضاعف وهمها منو يشيله
درت شنهي أخلاق ايزيد وتضليله
ابحفل واطبول ايريد ايشهّر العيله
يكَلّلها ابن اخوها ومدمعه ايسيله
يعمه اتصبري وللشامت احجيله
ترا احنا صفوة الباري وقرآنه ما يكَدر يذلنه ايزيد واعـــوانه
او خل يفرح ابنصره اللي ايتراواله
+++++++++++++++++++++++++++ تمت