في رثاء الإمام الحسن (ع)

ولعنة الله على المنعت دفنته

آمرت مروان ضربوا اجنـــــازته

                 يم كًبر جده الحسن ما يندفـن         آه  آه

 *******************

 شفتوا ميت يضربونه بالسهـــــام

شنهو ذنب الحسن يخضع للنظام

وعن كًبر جده يطردونه اللئــــــام

                     تندعي هالبيت إلها امّ الفتــــــن          آه   آه

******************

 كًلها بن عبـــــــــاس أيامـــــــج دُوَل

على البغله يوم او يوم اعلى الجمل

صار امرنه بيد ربات الحجــــــــــــــل

               بعد ما ندري اشيجيب النه الزمـــــن      آه   آه

******************

 صاح ابو فاضل حيّ اعلى الكفاح

بنت الاول جايّه اتجدد جــــــــراح

اليوم أفنيهم وأخطـــف هالارواح

                  اليوم آخذ ثار ضلع ام الحســــن        آه   آه

*******************

 ظمّه لحسين او يكًلّه يالكًمـــر

   هذا مو يومك إلك يوم النهـــــر

    تنجتل ظامي او ظهري ينكسر

                  إحفظ اوصيّة اخونه المؤتمـــن     آه   آه

******************

 غمد سيفه وهمل دمعه بو الفضل

نعش اخوي الحسن ضربوه ابنبــل

هالهظيمه اشلون كًلّي تنحمـــــل