في رثاء الإمام الرضا (ع)
آه واويلاه اينادي ابن الرضا آه وا ويلاه اينادي ابن الرضا
*********************
مات مسموم الرضا ابديرة غرب
سمّه الطاغي ابرمان وعنــــب
نور من فرع الرساله وانحجــب
مات بين اللي تجيده وتبغضــه آه آه
****************
يا عديل الروح يا بويه الحبيــــــــب
جرح فكًدك ياحبيبي ما يطيــــــــب
جنت الي خيمه وشح بيك النصيب
سمّك ابكًلبي يبو محمد مضــــــــه آه آه
******************
يا غريب الدار يالمالك معيـــــن
اتلوّعت روحك ابسمّ الظالميـن
ردت من عمري العمرك يالحنين
لكن اشبيدي يبويه اعلى القضا آه آه
*****************
يا حبيب الروح ردتك لي ذخر
لن فجعني بيك يا بويه الدهر
من بعد عيناك شلّي بالعمــر
ألف وسفه اعليك يبن المرتضى آه آه
*******************
كل مصيبه هينه لمصيبة احسيـــن
اشحال زينب شاهدت شمر اللعين
فوكً صدر احسين ويحزّ الوتيــــــــن
وشافت الخيل اعلى صدره اترضرضه آه آه
********************
صبر زينب أبد مثله ما جــــره
وبالدهر ما مر مثل زينب مره
من صغرها بالمصاب إمّرمـره
صبر زينب يذكرونه موعظـــه آه آه
عافت اخوتها ضحايه ابكربلـــــه
ومشت ميسوره اتباري العايلـه
وابن اخوها امكًيدينه ابسلسله
والشمر بالسوط كلسا ايمرّضه آه آه
******************
وكًفت ابديوان ابن هنده يزيـــــــــد
وخطبت ابمنطق مثل سوط الحديد
ظل يسبها وراد يضربها العنيــــــــد
عجب والله اشلون ابو فاضل رضى آه آه
******************************* تمت