للأربعين 3
يولياني رحت عنكم وما جاني خبر منكم
أناديكم يهل گلبي أناديكم
تناجيكم أحس روحي تناجيكم
يولياني
***************
غصــــــــب يوم احدعش رحنه وعفناكم
ضحايا على الغبره مــــــــــــــــادفنّاكم
مشه جسمي واحس گلبي بگه اوياكم
عسه عيني العمـــــــــه مرّينه شفناكم
مــاصح لي أجي يمكم
صحت يهلي العذر منكم
أخليكم على الرمضـــــــــــــــا أخليكم
تناجيكم احس روحي تنـــــــــــــــاجيكم يولياني
***************
على نوگ الهزل للكـــــــــــــــــوفه مشّونه
وعلى رملة علي الكـــــــــــــــــــرّار مرّونه
صحت يالحــــــــــــــــــادي ابها الگاع خلّونه
أشم ريحة مسچ بيها دمهلــــــــــــــــــونه
أريد أوصل گبر بيها
واتوسّل ابراعيها
نواديكــــــــــــــــــــــم أشم ريحة نواديكم
تناجيكم أحس روحـــــــــــــــــــي تناجيكم يولياني
***************
هاي ارض الغــــــــــــري اعرفتها من لاحت
روايحها عطــــــــــــــــــــر ومن البُعد فاحت
امن إجيناها عليها ارواحــــــــــــــنه ارتاحت
منهو ايلوم زينب بچـــــــــــــــــت لو صاحت
يبو الحسنين يهظمونه
خوارج دين يسمّونه
أعاديكم تولونه أعـــــــــاديكم
تناجيكم أحس روحي تناجيكم يولياني
***************
دخلنه الكوفــــــــــه واتذكّرت ماضينه
ولن كوفة علي تتصـــــــــدّق اعلينه
وابن ازياد شتّمــــــــــــــنه ابدواوينه
وآمر عالشّمر للشـــــــــــــــام يودّينه
مشيت ابروس ولياني
الچنها اشموس ترعاني
أماشيكم على الهــــزّل أماشيكم
تناجيكم أحس روحــــــي تناجيكم يولياني
***************
مشيت وروس اخوتي ابدربي تبـــــــــرالي
واحد على ايميني اوّاحد اشمــــــــــــالي
يزيد ابمجلســــــــــــــــــــــه يترنّم اگبالي
وينكت راس اخوي حسيـــــــــــــن ميبالي
چوت گلبي مصايبكم
أعت واربي النوايبكم
أتانيكم على دربي أتانيـــــــكم
تناجيكم أحس روحي تناجيكم يولياني
***************
وإجيت اليوم يبن امّي على گبــــــــــرك
دفكّ اللحـــد خويه وخلني ابكتـــــــــرك
انتهى أمري مثــــــــــــل ماإنتهى أمرك
ظـــــــــلّت ذكرياتي إبگــــــــطع نحـــرك
سهيرة ليل على الذكرى
نحيلة حيل من الحسره
أوافيــــــكم ابحسراتي أوافيكم
تناجيكم أحس روحي تناجــــــيكم يولياني
***************
تمت