مسلم بن عقيل
مسلم بن عقيل
**************
مسلم غدروك أهل الكوفة وهدروا دمّك
صارت بيهم منّك خوفه وهدروا دمّك
سحبوك ابحبل مسلم يا بطل
هدروا دمك
**************
يمسلم جيت للكوفه ابرساله من أبو اليمّه
رساله ونفّذتها ابساع وصارت بالخصم ثلمه
رساله رجّت الكوفه وعليك اشتدّت النقمه
صاروا ايطاردوك الگوم بــلا رحمـــه ولاذمّـــه
انسدّ ابوجهك باب الخوّه حاير بمرك
رحت الطوعه تطلب مأوى حاير بمرك
ماخفت الأجل مسلم يابطل
هدروا دمك
**************
حيّت مرحبت طوعه إلك ممنونة يامسلم
إبنها نب عليك ابليل وإجاك الجيش يطلب دم
طلعت ابروحك الطيبه وسيفك بالعدو يثلم
ترد ابسيفك الكترين اورد الجيش متحطّم
كوّمت اجثاث الگوم ابساعه ابشدّة عزمك
كلها اندحرت شردت مرتاعه ابشدّة عزمك
والجيش اضمحل مسلم يا بطل
هدروادمّك
**************
حفيره سوّوا ابدربك ماتدري وطحت مغدور
من إيدك سلبوا اسلاحك وخذوك امچتّف ومخفور
على ابن ازياد من طبيت گلبك بالعطش مجمور
سبّك وآمر ابچتــلك وخذوك الى السطح مجرور
المكّة اتوجّهت اتبث حزنك يبن الزهره
خانتني الكوفة ردّ ابضعنك يبن الزهره
من خاب الأمل مسلم يابطل
هدروا دمك
**************
ابگطع راسك رموا جسمك ومگصـدهم يهيــنونك
شدّوا بالحبل رجليك اوبالأسواگ يسحبونك
ثلثـتــيّام بيـد الگـــوم يجــرّوك ويســـبّونك
ابزرود أحباب إلك سمعوا مالحگــوا يدفـــنونك
حسين استخبر سحبوا جثتك هلّ ادموعه
راح ايواسي امصيـــبة بنـتــك هلّ ادموعه
تبچيك الأهل مسلم يابطل
هدروا دمك
**************
مسح راس اليتيمه احسين تگله يابعد عيني
يعمي تمســح ابراســــي أشو چنك تعزيني
يعمي انچان أبويه مات على گبره دوديني
يگللها أبوچ آنه دهيدي لا تفجعيني
مسلم فجر أول ثوره برض الكوفه
وحده ومحد گام اينصره برض الكوفه
وحيد انچتل مسلم يابطل
هدروا دمك
**************
اسكينه اتعنت ابحسره البنت مسلم تعزيها
تبچي وتنتحب وتنوح على المذبوح واليها
يكلها احسن يسكينه الج يوم التشوفيها
تجي تعزيج بمصابج تواسيج وتواسيها
لج يوم اسكينه تشوفيني مهشم صدري
جثه ابلا راس اتشبگيني مهشم صدري
صبري لو حصل مسلم يا بطل
هدروا دمك
************
تمت
الله يرحمهه للحاجة خديجه كرم على هذا الكلام الأكثر من رائع بحق البطل مسلم بن عقيل عليه السلام
لكن نحتاج برنامج يوضح الطور الذي تقراء به القصيده
المائتم منورة بالقصائد الرائعة نحتاج الى المزيد
السلام تسلمي على القصائد الحلوه الله يوفقكي في رثاء اهل البيت