هلال محرم
==== هلال محرم ====
عوّد اهلال البين وراحت أحبابي
وانرسم راس احسين ابلوحة مصابي
وبينه الفلك من دار ظلت خليه الدار
وانرسم راس احسين ابلوحة مصابي
سنه مرّت علي صعبه ومصيبة كربله ابصدري
سهيرة ليل ولا أهجع أتابع محنتتي وصبري
ونهاري بس أجرحسره على احسين الكسر ظهري
أصد محرابه ظل خالي ودمعتي امن الجفن تجري
مرّ الدهر مگلوب وهدّم ابيوتي
لنّي ابخدر مسلوب واصرخ ابصوتي
وينه اليطفّي النار ظلت خليّه الدار
وانرسم راس حسين ابلوحت مصابي
===============
ابيوم العاشر المظلوم يجي كل ساعه ابجثة شاب
إجانه ابجثة القاسم وحنّاته دمه واتراب
والأكبر بالنعش جابوه بسيوف امگطع اونشّاب
وابوه يمشي وره نعشه ودمعه امن الجفن سچاب
يرثيه اويهل العين يبني عفاني
ورده وگطفها البين خاين زماني
يانجمة االأسحار ظلت خليّة الدار
وانرسم راس حسين ابلوحة مصابي
==================
امن اشوفك ياهلال البين أذكرجيّة المظلوم
إ جه ايعزّيني بالعباس وروحه بم عضيده اتحوم
يگلي راح أبوفاضل وبگيت اوحيد بين الگوم
إيديه امگطعه الأثنين وراسه بالعمد مجسوم
ظل عالنهر ممدود والرايه يمه
اشيرفعها ماكو ازنود خضّبها دمّه
راح إبن حامي الجار وظلّت خليّه الدار
وانرسم راس احسین ابلوحة مصابی
===========
شنو الأذكر شنوالأنسه من امصابك يشهر الجور
حرت بمري وعفت عمري ابظهر العاشر ابعاشور
إجاني حسين يودّعني اوظهره اعلى الأخو مكسور
يوصّيني على اعياله يگلّي والدمع منثور
بنت أمي وادري بيچ صبرچ مثالي
سلّمت أنا بيديچ جملة اعيالي
اعلينه الدهر من جار ظلّت خليه الدار
وانرسم راس حسين ابلوحةمصابي
ــــــــــــــــــــــــــــــــــــــــــــــــــــــــــــــــــــــــــــــــــ
ييوم العاشر ابعاشور نشب بينه الهلع والروع
أخوي حسين بالحومة والخيل إجتنه اجموع
انخمش گلبي على ابن امي وعيني بس تهل ادموع
الشمر يوم الگطع راسه شاله بالرمح مرفوع
واخيامي شبّت نار وارجالي نومه
ماخجلوا الأشرار سلبوا اهدومه
وعندي يتامه اصغار وظلت خليّه الدار
وانرسم راس حسين ابلوحة مصابي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وشفت الخيل تتراكض على المطروح بالغبرة
تجول اتكسّر اضلوعه ودمّه ايسيل من نحره
مرّينه عليه ممدود اعظامه اهشمه ابصدره
ناديته ابگلب ممرود سلامي للفده عمره
اعذرنه يبو السجاد عنكم مشينه
مو بيدي هاالأوغاد غصبوا علينه
ثاري الزمن غدّار وظلت خليه الدار
وانرسم راس حسين ابلوحة مصابي
ــــــــــــــــــــــــــــــــــــــــــــــــــــــــــــــــــــــــــــــــــــــــــ