وصية النبي محمد صلى الله عليه وآله
إبهاالثـقلـين قيـــام الـدين
وصيتـي هـذي حفـظـوها
*******
ودّع صحبتـــــــــه المختـار يوم الكـثرت آلامـــــه
من مس المرض جســــمه عرفـها خلـصت أيامه
صحيفتهم عرفها وشــــاف هـذي فكـــره هدّامه
أمرهم جيش أسامه ايروح ردّالجـيش ابـأزلامـه
عصوا أمره إرفضوا فكره
عرف للعتـره يـالوها
*******
على المنبــريناديهم نصحــت الكـم تعرفـوني
كتاب الله وأهل بيتي إحترمــوهم اوطيـعــوني
خصوصا فاطمة بنتي إهي روحي وضوه اعيوني
و أناراحل عن الدنيـه بس اليوم او تفـكًـــدوني
وگـف يخطب ودمعته اتصب
العتـرة لاتضيـعوها
*******
بلّغت الرســــاله الكم أنا الصادق البيه تدرون
رموني بالچذب گومي اوگالوا ساحر او مجنون
تحمّلت الضرب والسبّ وتحمّلت العذاب إفنـون
إذا إلكـم طلب عـنــدي أريدن مني تقتـصّـــون
نصحت الكم إذا إلـكـم
ضريبه مني إخـذوهـا
*******
الباري أقســــــم ابعرشه ميتعدّاه ظلـم ظـــــــالم
اليتعدّه اعلى حقّ الناس يظل بالآخـــرة نـــــــادم
اومن بعدي علي الكـــرّار خليفة ومفتي او عـــالم
علي تنصيب يد القـــــدرة علي من كل خطأ سالم
أريـد أكتـب عهـد يطلـب
الخـلافـة لاتغصـبوها
*******
گـالوا يهجـــــــر المختـار اوكتاب الله يكفينــه
الهادي من المرض يهجر ومانرضه ابتعــــيينه
بعـدهـذا التعــب كلّـــــه يتهمه الخـاين ابدينه
سمعهم وأعرض ابوجـهه عنـهم وأهملت عينه
صرخ غـاضـب مظل صـا حـب
الصحـابـه عـني بعـدوهـا
*******
إنكشف عنه الحجاب اوشاف يجون الباب يحرگونه
الثـــــــــــاني ايعاضــد الأوّل وغصب بيته يـدخلونه
اوبيـن البـاب والحايـــــــــط ظلـع بنته يكســـرونه
اوعلـي للبيعـــــــه إمچتـّف إلى الجــامع يگودونـه
علي مـچتو ف اوعينـه اتشوف
الخلافـه منه نهـبوها
*******
اوشاهد جـــــامع الكوفة وضربة راس أبو الحسنين
ابمحرابه نـــــــــزف دمـه وإبن هنده لعــــب بالـدين
اوشاف الحسن يتقيـّــــه ابسمّه واليسنـده حسين
اوشاف المرأة من صاحت ضربوا اجنـازته إبسبعــين
اومصاب حسين رآه بالعـين
اورگبته يوم گطعوهـا
*******
صور واحداث شاهــــدها إشراح إيصير بالعتـــرة
شاف حسين كلّه اجـروح الشمر گاعد يحز نحـره
گطع راسه ابرمح شـــاله وجت الخيل ترض صدره
وزينـب يمـه واتنــــــــادي يجـدي وتسچب العبـرة
إش أحچيـلـك إش أرويلـك
أخوتـي كلـها ذبحـوهـا
×××××××××××××××××××××××××
تمت